„სულაკაურის გამომცემლობამ” წიგნის პირველი მაღაზია 2017 წელს გახსნა, მისი ერთგული სტუმრების დამსახურებით კი ქსელად იქცა და დღეს თბილისის მასშტაბით უკვე წიგნის რამდენიმე მაღაზიას აერთიანებს. მკითხველები ხშირად აღნიშნავენ, რომ მაღაზიებში ყოველთვის მყუდრო გარემო, მეგობრული კონსულტანტები, სიახლეები და საინტერესო შეთავაზებებია. „სულაკაურის წიგნის მაღაზიაში” აღმოაჩენთ წიგნებს მთელი ოჯახისათვის – მრავალფეროვან საბავშვო თუ საყმაწვილო ლიტერატურას, მაღალმხატვრული ღირებულების თანამედროვე და კლასიკურ პროზას და საგანმანათლებლო და შემეცნებით ლიტერატურას. „სულაკაურის წიგნის მაღაზიას“ ისთ ფოინთის ცენტრალურ მოედანზე იპოვით.